Сёння на МКАД матацыкл сутыкнуўся з легкавіком, адзін загінулы

13 верасня каля 9.30 на ўнутраным коле МКАД (недалёка ад вуліцы Касманаўтаў) матацыкл, які рабіў рэзкія манеўры, на вялікай хуткасці сутыкнуўся з Honda Insight. Пасажыр матацыкла загінуў, кіроўца — у бальніцы.

Сайт Onliner.by паведамляе са спасылкай на ДАІ, што матацыклам кіраваў 25-гадовы хлопец. Ён мае правы адпаведнай катэгорыі. Загінуламу 26 гадоў. Праводзіцца расследаванне. На час працы праваахоўнікаў на месцы ДТЗ на згаданым участку ўнутранага кола МКАД быў абцяжараны рух транспарту.

Адзначаецца, што за сезон у Мінску ў дарожна-транспартных здарэннях з удзелам матацыклістаў загінула ўжо 7 чалавек.