На беларуска-польскай мяжы затрымалі расіяніна, які вёз небяспечныя наркотыкі

На беларуска-польскай мяжы затрымалі расіяніна, які вёз асабліва небяспечныя наркотыкі. Здарэнне адбылося ў Рэспубліканскім пункце мытнага афармлення "Варшаўскі мост". Беларускімі мытнікамі правяраўся пасажырскі аўтобус "Аахен — Армавір".

Як інфармуе прэс-служба Брэсцкай мытні, супрацоўнікі кіналагічнай службы знайшлі сярод асабістых рэчаў 37-гадовага грамадзяніна Расіі 7 пакецікаў з падазроным рэчывам. На іх зрэагаваў службовы сабака. Эксперты засведчылі, што выяўленыя асабліва небяспечныя наркалагічныя сродкі — гераін, монаацэтылмарфін і ацэтылкадэін.

Распачатая крымінальная справа. За незаконнае перамяшчэнне праз мяжу наркотыкаў замежніку пагражае ад 5 да 10 гадоў пазбаўлення волі.