У Рагачове УАЗ урэзаўся ў жылы дом (фота)

Позна ўначы 13 жніўня ў Рагачове на вуліцы Друцкай адбылося ДТЗ. Як піша прэс-служба МНС, УАЗ урэзаўся ў будынак.

Ратавальнікі дэблакавалі і перадалі медыкам для шпіталізацыі кіроўцу аўто.

Як удакладняе БелаПАН, пры аўтааварыі пацярпеў і пасажыр аўтамабіля. У яго папярэдні дыягназ — закрытая чэрапна-мазгавая траўма, выцятая рана скроневай вобласці, пералом левай галёнкі, алкагольнае ап'яненне. Ён таксама шпіталізаваны.