СМІ: У Дзяржынску загінуў 25-гадовы рабочы

У Дзяржынску на прадпрыемстве холдынга “Салеа” загінуў рабочы. Як паведамляе выданне Dzerzhinsk.by, 25-гадовы тэрміст участка тэрмаапрацоўкі, які працаваў у начную змену з 19 на 20 ліпеня, быў смяротна траўмаваны дзвярыма плавільнай печы. Хлопец памёр да прыезду хуткай.

Па факце здарэння Следчы камітэт праводзіць праверку.

Холдынг “Салеа” выпускае гідраўлічныя вузлы і агрэгаты для мабільнай тэхнікі і прамысловага абсталявання, а таксама распрацоўвае сістэмы ахаладжэння для дарожна-будаўнічых і сельскагаспадарчых машын і выпускае вырабы з пластыка для экстэр’ера і інтэр’ера кабін аўтатрактарнай і спецтэхнікі.