Мінчанін падпаліў свой Maserati дзеля страхоўкі

Мінчанін спаліў свой аўтамабіль Maserati Quattroporte для таго, каб атрымаць страхоўку. Расследаванне гэтай крымінальнай справы ўжо скончылася, яго матэрыялы перададзеныя ў суд. Пра гэта заяўляюць у Следчым камітэце Беларусі.

Паводле версіі следчых, сёлета 31 студзеня ўладальнік транспартнага сродку звярнуўся ў ДАІ з заявай, што яго аўто згарэла ў дарожна-транспартным здарэнні. Ён паказаў месца здарэння, дзе сапраўды быў знойдзены абгарэлы аўтамабіль, а таксама ровар.