У Пінску матацыкліст без правоў збіў 3-гадовага хлопчыка

У Пінску матацыкліст без правоў кіравання транспартнымі сродкамі катэгорыі "А" збіў 3-гадовага хлопчыка. Адбылося гэта на вачах у яго бацькоў. Дзіця атрымала шматлікія траўмы, яно знаходзіцца ў рэанімацыі Пінскай гарадской бальніцы. Стан — цяжкі.

Як інфармуе прэс-служба ДАІ УУС Брэсцкага аблвыканкама, здарэнне адбылося пасля 13-й гадзіны 10 ліпеня. Хлопчык пераходзіў вуліцу па рэгуляваным пешаходным пераходзе на дазваляльны сігнал святлафора (злева направа па ходу руху матацыкла). Матацыклам маркі "Сузукі" кіраваў 23-гадовы мясцовы жыхар. Па факце дарожна-транспартнага здарэння праводзіцца праверка.