Кватэру мінчанкі спаліў яе сужыцель (фота)

Кватэру жыхаркі Мінска спаліў яе ўласны сужыцель. Інфармацыя пра ўзгаранне ў доме па вуліцы Гая, 14 паступіла ў дзяжурную частку МНС 1 ліпеня ў 23.59. Пажар ліквідавалі літаральна за некалькі хвілінаў.

Пашкоджаныя міжпакаёвыя дзверы, маёмасць, кватэра закураная. Прычынай здарэння стаў падпал, перадае прэс-служба Мінскага гарадскога ўпраўлення МНС.

Праўда, не зразумела, якімі матывамі кіраваўся сябар гаспадыні кватэры, непрацуючы мужчына 1960 года нараджэння.