Пад Брэстам забілі сям'ю пенсіянераў, у зламысніка была сякера

Пад Брэстам забілі сям'ю пенсіянераў. Здарэнне адбылося ў вёсцы Шэбрын. Як інфармуе прэс-служба МУС Беларусі, беспрацоўны 54-гадовы мясцовы жыхар сякерай забіў 86-гадовага мужчыну. Пасля ён збіў яго 80-гадовую жонку. Ад атрыманых траўмаў яна памерла ў бальніцы.

Падазраванага затрымалі. Вядома, што падчас здзяйснення злачынства ён быў у стане алкагольнага ап'янення. Распачатая крымінальная справа. Артыкулы — "замах на забойства" (ч. 1 арт. 14, ч. 2 арт. 139 КК) і "забойства" (ч. 2 арт. 139 КК).