У Віцебску мужчына скокнуў з моста і патануў

У Віцебску мужчына скокнуў з моста з вышыні 20 метраў у Заходнюю Дзвіну і патануў. Здарэнне адбылося каля 14-й гадзіны 18 чэрвеня. Праз дзве гадзіны вадалазы знайшлі яго цела ў 10 метрах ад апоры моста.

Як інфармуе прэс-служба МНС Віцебскай вобласці, вядома, што мужчына разам з кампаніяй маладых людзей адзначаў вяселле ў якасці госця. Раптоўна ён вырашыў скокнуць у ваду, пасля чаго яго на паверхні вады не бачылі. Жыхару Віцебска было 25 гадоў.