У Маладзечне скралі гнома

Прэс-служба УУС Мінскага аблвыканкама паведаміла пра незвычайны крадзеж, які адбыўся ў Маладзечне. У ноч на 12 чэрвеня невядомы зламыснік скраў з двара пенсіянеркі па вуліцы Обухава гіпсавую фігуру гнома, што стаяла ў двары. Гаспадыня ацаніла страту ў 800 тысяч рублёў (каля 40 долараў ЗША).

Дарэчы, паводле павер'яў, садовыя скульптуры гномаў ажываюць уначы, калі гаспадры кладуцца спаць. Гномы, быццам, даглядаюць сад або лужок, на якім яны стаяць. Магчыма, зламыснік, які скраў маладзечанскага гнома, таксама вырашыў прывесці да ладу сваю гаспадарку сіламі гнома.