У Івацэвічах “Фольксваген” збіў 9-гадовага раварыста

У Івацэвічах легкавы аўтамабіль “Фольксваген Пасат” збіў 9-гадовага раварыста. Як перадае прэс-служба Брэсцкай абласной ДАІ, 29-гадовы жыхар Наваградка выяжджаў з двара дома па вуліцы Дзяржынскага, 3. Школьнік у гэты момант наадварот заязджаў у двор і падчас манеўру левага павароту трапіў пад колы аўто.

Хлопчык атрымаў пашкоджанні і шпіталізаваны ў Івацэвіцкую раённую лякарню.

Па факце ДТЗ праводзіцца праверка.