У мінскім метро кітайскі студэнт скокнуў на рэйкі за сваім тэлефонам

У мінскім метро кітайскі студэнт скокнуў на рэйкі за сваім тэлефонам, які выпаў з рук. Здарэнне адбылося позна ўвечары 20 траўня на станцыі "Маладзёжная".

Хлопец знайшоў мабільнік і самастойна вярнуўся на платформу. Але быў затрыманы для складання адміністрацыйнага пратаколу (артыкул — "Парушэнне правілаў карыстання метрапалітэнам", 18.10 КоАП). Як піша ў Facebook прэс-сакратар ГУУС Мінгарвыканкама Аляксандр Ластоўскі, грамадзянін Кітая вучыцца на першым курсе БДУ.