У Мінску расіян падазраюць у крадзяжы чалавека, яны патрабавалі $100 тысяч

Дваіх грамадзян Расійскай Федэрацыі і жыхара Мінска падазраюць у крадзяжы чалавека арганізаванай групай, распачатая крымінальная справа (ч. 2 арт. 182 КК). Яны хацелі завалодаць грашыма пацярпелага, спачатку сачылі за ім. Аднойчы мужчына апынуўся на вуліцы адзін, у гэты момант да яго падбеглі зламыснікі, надзелі на рукі кайданкі і пасадзілі ў арандаваны аўтамабіль.

Як інфармуе Упраўленне Следчага камітэта па г. Мінску, скрадзенага чалавека ўтрымлівалі на арандаванай кватэры. У яго патрабавалі за вызваленне не менш за 100 тысяч долараў ЗША. Аднак грошы атрымаць не паспелі — зламыснікаў затрымала міліцыя. Расследаванне працягваецца.