У Віцебску на Дзень Перамогі жанчына звалілася ў калодзеж (фота)

У ноч на 10 траўня амаль апоўначы ратавальнікі Віцебскага УМНС атрымалі ад мінака паведамленне, што ў калодзеж на вуліцы Талстога правалілася жанчына.

На месцы здарння ратавальнікі высветлілі, што гаворка ідзе пра ліўневы бетонны калодзеж. На глыбіні 2,5 метра яны выявілі 26-гадовую жанчыну. Яе паднялі на паверхню з дапамогай лесвіцы і выратавальнай трыножкі з лябёдкай. Жанчыну перадалі брыгадзе хуткай меддапамогі і даставілі ў абласную лякарню.

Патлумачыць, як яна апынулася ў калодзежы, пацярпелая не магла. Паводле папярэдніх звестак, жанчына была нецвярозай.