Беларус на BMW учыніў аўтааварыю пад Смаленскам, у якой загінуў чалавек

Беларус на BMW учыніў аўтааварыю ў Смаленскай вобласці, у якой загінуў чалавек. Трагічнае здарэнне адбылося раніцай 25 красавіка на 257-м кіламетры аўтадарогі "Мінск — Масква".

Як інфармуе sputnik.by, кіроўца BMW X6 не толькі парушыў хуткасць на трасе, але і няправільна выбраў дыстанцыю да аўтамабіля ВАЗ, які рухаўся перад ім. У выніку адбылося сутыкненне легкавікоў. Кіроўца ВАЗ, 50-гадовы жыхар Смаленскай вобласці, ад атрыманых траўмаў памёр на месцы дарожна-транспартнага здарэння яшчэ да праезду хуткай. Праводзіцца расследаванне.