Аўтамабіль у Мінску збіў насмерць рабочага і зваліўся з моста (фота)

На скрыжаванні праспекта Пераможцаў і вуліцы Арлоўскай у Мінску 20 красавіка адбылося ДТЗ са смяротным вынікам.

Як піша onliner.by, пазадарожнік збіў рабочага, які займаўся рамонтам пуцеправода, і зваліўся з моста. Рабочы, як паведамляецца, загінуў.

Старшы інспектар ДАІ Цэнтральнага раёна Настасся Радзько распавяла, што за рулём аўто была 33-гадовая жанчына. Машына рухалася па вуліцы Арлоўскай з боку плошчы Бангалор. Пакуль невядомая прычына, чаму жанчына наехала на рабочага, затым пераехала праз бардзюр і вылецела з пуцеправоду ўніз, на праспект Пераможцаў.

У аўтамабілі былі мужчына і жанчына. Абставіны здарэння высвятляюцца.