Не забываецца вайна

У Столінскім раёне перазахавалі астанкі герояў Вялікай Айчыннай.

Гэтая цырымонія прайшла ў вёсцы Альшаны. Тут пахавалі чатырох салдат, астанкі якіх знайшлі ў час земляных работ. У жалобным мерапрыемстве ўдзельнічалі пагранічнікі Пінскага пагранатрада і мясцовыя жыхары.

Паводле слоў вядучага метадыста па ахове гісторыка-культурнай спадчыны Столінскага раённага метадычнага цэнтра Аляксандра Марушкі, імёны загінуўшых байцоў устанавіць не атрымалася, але фрагменты зброі і формы, а таксама знойдзены жэтон ясна сведчаць: гэта прадстаўнікі Чырвонай арміі.