Пры праясненнях да мінус 25°С

Паводле прагнозу Рэспубліканскага гідраметэацэнтра, 1 снежня ў краіне чакаецца пераменная воблачнасць, без істотных ападкаў. Вецер паўночны 3–8 м/с, днём па паўднёвым захадзе ўсходні 5–10 м/с, парывы да 14 м/с. На асобных участках дарог галалёдзіца. Тэмпература паветра: ноччу мінус 12–19°С,

па паўночным усходзе да мінус 23°С; днём мінус 10–16°С.

У Мінску пераменная воблачнасць, без істотных ападкаў. Вецер паўночны 3–8 м/с. На асобных участках дарог галалёдзіца. Тэмпература паветра: ноччу мінус 16–18°С;

днём мінус 13–15°С.

У наступныя двое сутак па Беларусі чакаецца воблачнае з праясненнямі надвор’е. 2 снежня ноччу па паўднёвым захадзе, днём на большай частцы тэрыторыі снег, месцамі мяцеліца. На асобных участках дарог галалёдзіца. Вецер усходняй чвэрці 5–10 м/с, днём месцамі парывы да 15–20 м/с.

Тэмпература паветра: ноччу мінус 16–23°С, па паўночным усходзе пры праясненнях да мінус 25°С,

днём мінус 10–17°С; па паўднёвым захадзе ноччу мінус 12–15°С, днём мінус 6–9°С.

3 снежня часам снег, месцамі мяцеліца. На асобных участках дарог галалёдзіца. Вецер паўднёва-ўсходні 5–10 м/с, парывы да 14 м/с. Тэмпература паветра: ноччу мінус 8–15°С,

па паўночным усходзе пры праясненнях да мінус 17°С; днём мінус 3–8°С, у паўднёвых раёнах каля 0°С.

У Мінску 2 снежня будзе воблачна з праясненнямі. Ноччу без ападкаў, днём кароткачасовы снег, мяцеліца. На асобных участках дарог галалёдзіца. Вецер усходняй чвэрці 5–10 м/с, днём парывы да 14 м/с. Тэмпература паветра: ноччу мінус 18–20°С; днём мінус 12–14°С.