Стэтаскоп з iPhone аказаўся звышпапулярным

Першапачаткова стэтаскоп для iPhone быў створаны як забаўка, аднак зацікавіліся ім нават прафесійныя дактары. Працуе электронны стэтаскоп так: мабільны мікрафон прыкладаецца да грудной клеткі і запісвае шумы сэрца — такім чынам фонакардыяграму можна даслаць па электроннай пошце. Больш за тры мільёны карыстальнікаў спампавалі iStethoscope і карыстаюцца ім штодзённа. Вытворцы новага стэтаскопу вельмі спадзяюцца, што атрымаецца сертыфікаваць мабільныя тэлефоны ў якасці медыцынскай прылады.