Міліцыянты атрымалі загад ізаляваць актывістаў?

Лідэр руху "Вольная  моладзь" Мікіта Красноў паведаміў, што ад 9 раніцы каля пад'езду яго  дома № 24 што на вуліцы Убарэвіча  знаходзяцца супрацоўнікі міліцыі  ў службовай машыне. У 15 гадзінаў іх зьмяніў іншы нарад.

Хлопец лічыць, што гэта зьвязана з удзелам актывістаў "Вольнай моладзі" у акцыі  салідарнасьці, якая адбудзецца 16 жніўня. На думку Мікіты, яго паспрабуюць  затрымаць, як толькі ён выйдзе з кватэры, каб ізаляваць на час правядзеньня акцыі. Такія рэчы неаднойчы адбываліся з актывістамі моладзевых арганізацый напярэдадні буйных вулічных акцый.