Новы тэмпературны рэкорд Беларусі. У Васілевічах — 39,2

У Беларусі зноў пабіты абсалютны рэкорд максімальнай тэмпературы паветра. У горадзе Васілевічы Рэчыцкага раёна 10 жніўня зафіксавалі 39,2 градусы цяпла. Папярэдні найвышэйшы паказчык у Васілевічах быў адзначаны ў 1946 годзе і склаў 38 градусаў, а ўвогуле — 38,7 градусаў у Горках 6 жніўня. Такім чынам, горацкі рэкорд пратрымаўся ўсяго 4 дні.