Забіў жонку, як сасніў, што яна здрадзіла

30-гадовы жыхар Румыніі забіў сваю жонку пасля таго, як яму прыснілася, што яна яму здрадзіла. Мужчына прачнуўся пасля кашмару, у якім бачыў, што жонка кідае яго дзеля іншага.

Убачыўшы здрадніцу побач, ён задушыў яе. Прахапіўшыся, мужчына зразумеў, што зрабіў непапраўнае.

Ён паспрабаваў рэанімаваць жонку, аднак яна была ўжо мёртвая. Зараз раўнівец чакае суда. Яму пагражае да 15 гадоў турмы.