Вадзяная пастка

Нягледзячы на тое, што на гэтым тыдні было халаднавата, аднак, як паведамілі на раніцу пятніцы выратавальнікі на вадзе, з панядзелка ў краіне патанулі пяць чалавек.

Сярод іх — трэцякласнік з Верхнядзвінска. Хлопчык разам з сябрамі адправіўся на раку Дрысу купацца. Дадому ён не вярнуўся.

За апошні час гэта другі выпадак гібелі дзіцяці на вадзе. Так, у мінулую нядзелю на Лучынаўскім возеры Віцебскага раёна патануў 14-гадовы падлетак. Плыт, на якім ён плаваў, перавярнуўся, хлопец пайшоў пад ваду. Яго бацька ў гэты момант стаяў на беразе, але выратаваць сына не паспеў.

Напярэдадні выхадных выратавальнікі папярэджваюць: «Будзьце ўважлівыя на вадзе!»