Дзесяць чалавек эвакуіравалі на пажары ў к. п. Нарач (Купа)

На месцы пажару. Фота 112.by.

Каля трох гадзін ночы 4 мая паступіла паведамленне пра тое, што ў к. п. Нарач (Купа) гарыць балкон. Пажар узнік на чацвёртым паверсе  шматкватэрнага дома па вуліцы Кастрычніцкай.

– Па прыбыцці выратавальнікаў гарэлі балкон і кватэра, агонь распаўсюдзіўся таксама на дах дома, – расказаў галоўны спецыяліст інспекцыі нагляду і прафілактыкі райаддзела па надзвычайных сітуацыях Юры Вашкінэль.

Жыльцы кватэры самі заўважылі пажар і эвакуіраваліся. Узнікла неабходнасць эвакуіраваць і жыльцоў суседніх кватэр. Усяго эвакуіравалі 10 чалавек. Людзі на пажары не пацярпелі.

А вось балкон згарэў, выгараў пакой з маёмасцю, пашкоджаны дах дома.

Прычыны здарэння высвятляюцца.