Ножка дзяўчынкі захрасла ў ровары - яе ратавалі МНСнікі

Ножка захрасла паміж педаллю і рамай.

Учора ўвечары шасцігадовая дзяўчынка ехала на ровары па ходніку ўздоўж Вялікага Гасцінца.

На здарэнне выязджаў Валеры Каляда, старшы памочнік намесніка начальніка аддзела па аператыўна-тактычнай працы Маладзечанскага ГРАНС.

Дзяўчынка ехала на ровары, але ножка саслізнула і захрасла паміж педаллю і рамай. Самастойна выбрацца яна не змагла, таму спатрэбілася дапамога выратавальнікаў. Работнікі МНС пры дапамозе ключоў зрабілі разводку. Ножку дасталі. Дзяўчынку на "хуткай" завезлі ў дзіцячую бальніцу.

- Дзяўчынка не плакала, толькі спужалася,  - гаворыць Валеры Каляда. - А з ножкай сур'ёзных праблем няма.

Здарэнне адбылося каля гандлёва-эканамічнага каледжа.