Тры пасажыры шпіталізаваны ў выніку аварыі ля Талуці на Вілейшчыне

Фота mchs.gov.by

Каля дзесяці гадзін вечара 14 красавіка адбылося дарожна-транспартнае здарэнне на аўтадарозе Мінск-Мядзел паблізу вёскі Талуць.

Аўтамабіль “Форд Эскорт” з'ехаў у кювет і сутыкнуўся з дрэвам. Кіраваў машынай 28-гадовы мужчына.

У выніку тры пасажыры з траўмамі шпіталізаваныя (каб дэблакіраваць аднаго з іх з машыны, спатрэбілася дапамога выратавальнікаў). Яшчэ адзін пасажыр і кіроўца атрымалі лёгкія цялесныя пашкоджанні.

Папярэдняя версія здарэння – тэхнічныя няспраўнасці транспартнага сродку і няправільны выбар хуткасці, паведамляе дзяржаўтаінспекцыя Мінскай вобласці.