Пакуль гаспадар хадзіў за нажом, з шафы скралі мільёны

Фота belarus-news.eu

У вёсцы Шчарачыха 10 красавіка абакралі пенсіянера.

 Апоўдні да яго ў хату зайшлі чатыры жанчыны. Папрасілі нажа, каб парэзаць сала.

–  Той пайшоў за нажом, адсутнічаў хвіліны тры-чатыры, – расказаў начальнік Вілейскага раённага аддзела Следчага камітэта Мікалай Раманчук. – Жанчыны парэзалі сала і выйшлі з дома. Пасля іх адыходу мужчына ўбачыў, што з шафы зніклі амаль усе грошы - 22 мільёны рублёў.

Узбудзілі крымінальную справу за крадзеж. Вядзецца расследаванне.

А Мікалай Раманчук раіць вяскоўцам:

– У выпадку з’яўлення ў доме падазроных асоб,  не пакідайце іх адных без нагляду. Бо бачыце,  ім хопіць лічаных хвілін, каб знайсці і скрасці вашыя грошы.