У Вілейцы гарэла машына – магчымы падпал

Пасля дзвюх гадзін ночы 14 лютага выратавальнікам паступіла паведамленне, што гарыць аўтамашына па вуліцы Зарэчнай у Вілейцы.

“Сітраэн С5” стаяў каля плота.

– Дзякуючы таму, што паведамленне пра загаранне паступіла хутка і выратавальнікі прыбылі аператыўна, машыну здолелі ўратаваць, – расказаў інспектар Дзяржпажнагляду райаддзела па надзвычайных сітуацыях Аляксандр Казакевіч. – У машыны згарэла пярэдняе правае кола, пашкоджана правае крыло.

Іншамарка належыць жыхару Маладзечна. Ён прывёз у Вілейку свайго знаёмага і застаўся тут начаваць.

Папярэдняя прычыны здарэння – падпал. Аднак дакладную прычыну ўстановіць расследаванне.

Аддзел інфармацыі.

Фота з сайта kolesa.ru