Апавяшчальнік дапамог пазбегнуць бяды на пажары на Вілейшчыне

Пажар у доме ў вёсцы Нарач Вілейскага раёна здарыўся ў ноч на 1 лютага.

У гэтым доме жывуць муж і жонка. Цягам дня яны цеплілі печку – апошні раз каля 19 гадзін.

А ў першай гадзіне ночы гаспадыня праз сон пачула, што спрацаваў пажарны апавяшчальнік.У доме было поўна дыму. У хаце яна крыніцы ўзгарання не знайшла, адчыніла люк на гарышча і ўбачыла, што там шугае агонь.

 Гаспадары патэлефаналі на “101”, сабралі дакументы і выйшлі з хаты.

Па выкліку хуценька прыехала першая аўтацыстэрна: пажарны аварыйна-выратавальны пост якраз знаходзіцца ў вёсцы. Загаранне быўло неўзабаве ліквідавана. У выніку толькі пашкоджана перакрыццё гарышча і латы даху, паведаміў інспектар Дзяржпажнагляду райаддзела па надзвычайных сітуацыях Дзмітры Кляшняк.

 Аддзел інфармацыі.

Фота postawy.by