Залезлі ў вясковую краму па завядзёнцы

У ноч на 11 студзеня зладзеі залезлі ў краму ў вёсцы Зані Мядзельскага раёна.

Для гэтага яны разбілі аконнае шкло і ўзламалі краты. Знікла з крамы спіртное на суму каля аднаго мільёна 600 тысяч рублёў.

Злачынства раскрылі ў той жа дзень, паведамілі ў аддзяленні крымінальнага вышуку Мядзельскага РАУС.

Крадзеж учынілі два непрацуючыя – жыхары вёскі Зані і Раманаўшчына. Прычым, яны некалькі год таму ўжо абкрадалі гэту краму.  

Аддзел інфармацыі.

Фота vpenze.ru