На пажары ў Алёхнавічах згарэў невядомы

Здарэнне адбылося сёння а дзявятай гадзіне раніцы ў садовым таварыстве “Ивушка-2002”, што непадалёк ад вёскі Дубрава Алёхнавіцкага сельскага Савета.

Выратавальнікаў выклікаў мясцовы жыхар. Ён паведаміў, што ў адным з жылых дамоў гарыць дах. Калі супрацоўнікі МНС прыбылі на месца здарэння, убачылі, што дачны дом гарыць адкрытым полымем.

У доме выратавальнікі знайшлі моцна абгарэлы труп. Асоба загінулага і прычыны пажару высвятляюцца, − паведаміў “Рэгіянальнай газеце” старшы інжынер Маладзечанскага гаррайаддзела па надзвычайных сітуацыях Сяргей Палітыка.

Наталля ТУР.

Фота vsluh.ru.