Пенсіянер з Ашмянаў напісаў заяву ў міліцыю аб знікненні лыжкі

Незвычайная заява тычылася каштоўнай сярэбранай лыжкі ў прыгожым футарале, якую мужчына купіў у Санкт-Пецярбургу. Мужчына выявіў прапажу, калі вырашыў паказаць любімы сталовы прадмет знаёмым.

Як паведаміў афіцыйны прадстаўнік Следчага камітэта па Гродзенскай вобласці Сяргей Шаршаневіч, пры аглядзе месца здарэння слядоў пранікнення ў жыллё не знайшлі. Па факце крадзяжу ўзбудзілі крымінальную справу.

Магчыма, што на срэбра паквапіўся хтосьці вядомы пацярпеламу, але дакладна ведаць пра гэта можна будзе толькі па выніках расследавання.

Паводле Tut.by.