На Астравеччыне ў пажары загінулі маці і дачка. Сын – у рэанімацыі

Трагедыя адбылася 16 лістапада, каля 7.30, у вёсцы Дравенікі.

У МНС у суботу раніцай патэлефанавалі суседзі жыхароў дома, дзе пачаўся пажар. Па іх словах, там былі людзі.

Калі прыехалі выратавальнікі, дах драўлянага дома гарэў цалкам. Праз 10 хвілін побач з ложкам знайшлі загінулую гаспадыню дома. Жанчыне было 75 гадоў. Пазней – яе 35-гадовую дачку, якая ляжала на ложку.

Разам з імі жыў і сын загінулай гаспадыні. Але ў гэты час ён быў у суседзяў. Убачыўшы, што гарыць дом, сам спрабаваў выратаваць маці і сястру, ведаўшы, што яны ўнутры. Аднак у яго не атрымалася: у цяжкім стане, з апёкамі твару, рук і верхніх дыхальных шляхоў, 37-гадовы мужчына трапіў у рэанімацыйнае аддзяленне Астравецкай ЦРБ.

Магчыма, пажар здарыўся, бо гаспадары пакінулі запаленую свечку. У доме не было электрычнасці.

У сям’і ніхто не працаваў, усе яны злоўжывалі алкаголем.

Пра здарэнне паведаміў інспектар групы прапаганды і навучання Астравецкага райаддзела па надзвычайных сітуацыях Алег Шыць.

Настасся РОЎДА.

Фота dpravda.org