Шукаюць відавочцаў аварыі, у якой загінула жанчына

Аварыя адбылася 25 кастрычніка каля 23.30 на 66 кіламетры трасы Мінск-Маладзечна-Нарач.

Невядомы непадалёк ад павароту да вёскі Загорскае Маладзечанскага раёна збіў жанчыну. Яна загінула на месцы.

У цяперашні час ёсць падставы падазраваць, што наехаў грузавы аўтамабіль “Мерседэс-Бэнц”, кабіна белага колеру з сінім тэнтам. Машына, па папярэдніх дадзеных, рухалася ў бок Мінска.

Просім відавочцаў патэлефанаваць па нумарах: 8033-6693248 альбо 80176-771089 ад 09.00 да18.00 (панядзелак-пятніца) следчаму Максіму Дзмітрыевічу Буткевічу.

Па інфармацыі Маладзечанскага раённага аддзела Следчага камітэта.

фота allday.ru