Знайшлі скрадзены ў ліпені з вілейскай стаянкі мікрааўтобус “Фольксваген-Каравела”. Затрыманыя двое маладзечанцаў

Падазраваных па справе  затрымалі ў панядзелак, 4 лістапада.

Мікрааўтобус “Фольксваген-Каравела” знік з ахоўнай стаянкі па вуліцы Чапаева, што каля завода “Зеніт”, у ноч на 17 ліпеня. Тады затрымаць падазраваных не ўдалося.

Затрыманне прайшло ў панядзелак. Падазраванымі апынуліся двое маладых людзей, жыхароў Маладзечна. Таксама знайшлі і мікрааўтобус.

– Цяпер яны знаходзяцца ў ізалятары для правядзення следчых дзеянняў, – кажа намеснік начальніка РАУС, начальнік міліцыі грамадскай бяспекі Андрэй Дударчык. – Мікрааўтобус пад арыштам. Праводзяцца следчыя дзеянні па доказе віны.

Настасся РОЎДА.

фота e1.ru