Два чалавекі згарэлі на пажары ў вёсцы Беніца

Трагедыя здарылася трэцяга лістапада ў вёсцы Беніца Маладзечанскага раёна.

Пра здарэнне распавядае галоўны спецыяліст інспекцыі дзяржпажнагляду Андрэй Кайко:

− Паведамленне аб пажары паступіла а 19 гадзіне. Калі спецыялісты прыбылі на месца, жылы дом гарэў адкрытым полымем. Дом згарэў цалкам, дах абваліўся. Ратавальнікі выявілі ў доме два трупы. Спецыялісты ўстанаўліваюць асобы загінулых.  Папярэдняя прычына пажару − неасцярожнае абыходжанне з агнём.

Як паведамілі ў МНС, гаспадар згарэўшага дома быў раней двойчы судзімы.

З пачатку года на пажарах у Маладзечне і Маладзечанскім раёне загінулі 14 чалавек.

Наталля ТУР. 

Фота yarnovosti.ru