На Вілейшчыне гарэла лецішча
02.10.2013
—
ЧП
Каля 18-ці гадзін 27 верасня вілейскім выратавальнікам паступіла паведамленне аб загаранні лецішча ў вёсцы Уладыкі.
На тушэнне пажару накіраваліся чатыры падраздзяленні райаддзела па надзвычайных сітуацыях.
– Па прыбыцці выратавальнікаў на месца выкліку дах дома гарэў адкрытым полымем, – паведаміў старшы інспектар Вілейскага РАНС Дзяніс Гаўрышчук. – У выніку згарэла частка даху – каля 20 квадратных метраў.
Мяркуемая прычына пажару – парушэнне правілаў эксплуатацыі пячнога ацяплення.
Аддзел інфармацыі.
Фота drugniy.info