Згарэў дом у Занарачы на Мядзельшчыне

20 верасня пасля 18-ці гадзін мядзельскім выратавальнікам паступіла паведамленне аб загаранні дома ў вёсцы Занарач па вуліцы Турыстычнай.

Пра гэта паведаміў сусед.

На тушэнне пажару накіраваліся чатыры аўтацыстэрны: тры з Мядзельшчыны і адна з Вілейшчыны.

– Па прыбыцці выратавальнікаў драўляны дом гарэў адкрытым полымем, – паведаміў інспектар Дзяржпажнагляду Мядзельскага райаддзела па надзвычайных сітуацыях Андрэй Сакалдынскі. – У выніку пажару дом згарэў. Гаспадара ў момант загарання не было дома.

Прычыны пажару ўстанаўліваюцца.

Аддзел інфармацыі.

Фота pojardrugniy.info