Пажар на Ашмяншчыне. Маці паспела выратаваць траіх дзяцей

Здарэнне адбылося ў вёсцы Міхалконі Ашмянскага раёна ўначы ў суботу, 7 верасня.

У суботу да бабулі прыехала дачка з дзецьмі, каб дапамагчы выкапаць бульбу. Калі вярнуліся з поля, дачка пайшла ўкладваць дзяцей спаць і сама задрамала.

– Бабуля тым часам вырашыла папіць чайку, – кажа галоўны спецыяліст цэнтра прапаганды і навучання Гродзенскага абласнога ўпраўлення па надзвычайных сітуацыях Іван Мік'янец. – Паставіла кіпяціць ваду, а пакуль чакала, калі яна нагрэецца, заснула.

Прачнулася пенсіянерка ад таго, што ўся хата была ў дыме. Яна хуценька разбудзіла дачку, а тая падняла сваіх дзяцей і вывела на двор.

Калі прыехалі выратавальнікі, агонь паспеў пашкодзіць стол, сцены і столь.

Вольга ЮРКЕВІЧ.

Фота describe.ru