Зайшоў у абутковую краму і забраў усю выручку

Здарэнне адбылося ў апошнюю ноч ліпеня.

– Жанчына пасля працы зачыніла краму і пайшла дадому, – распавядае старшы следчы па асабліва важных справах Маладзечанскага аддзела Следчага камітэта Марына Рагінская. – Раніцай, калі прыйшла на работу, дзверы самой ужо не давялося адчыняць, бо іх узламалі.

Ноччу невядомы хуліган нечым металічным ўзламаў дзверы і пракраўся ў абутковую краму па вуліцы Скарыны. Злодзей скраў больш за  дзевяць мільёнаў рублёў.

Крама не абсталяваная ні камерай відэаназірання, ні сігналізацыяй. Цяпер ўзбуджана крымінальная справа.

Вольга ЮРКЕВІЧ.

Фота ukr-advokat.org.ua