У Маладзечне супрацоўнік СТА угнаў машыну. Яе заўважыў у горадзе сам гаспадар

У чацвер, 11 ліпеня, на адной з маладзечанскіх станцый тэхнічнага абслугоўвання ўгналі аўтамабіль.

Маладзён прыгнаў машыну “Мэрседэс-180” на станцыю тэхнічнага абслугоўвання на рамонт. Аддаў работнікам неабходныя дакументы і ключы. Яму паабяцалі, што машыну зробяць недзе праз два тыдні.

У той самы дзень ён паехаў у горад і ўбачыў свой аўтамабіль.

Падышоў бліжэй, а там супрацоўнік СТА.

Як аказалася, гэты мужчына працуе на СТА неафіцыйна, яго ўзялі на выпрабавальны тэрмін. Ён вырашыў пакатацца.

Мужчына ўжо быў асуджаны за крадзеж, разбой і хуліганства.

Цяпер у чарговы раз узбудзілі крымінальную справу.

Вольга ЮРКЕВІЧ.

Фота rg.ru