Мужчына няўдала ўкраў туалетную ваду за 162 тысячы рублёў

У нядзелю, 26 мая, 31-гадовы мужчына ўкраў туалетную ваду ў адной з маладзечанскіх крамаў.

Крадзеж здарыўся каля 19.20. Украўшы ваду, мужчына паспрабаваў збегчы. Але супрацоўнікі міліцыі злавілі яго ў парку на вуліцы Багдана Хмяльніцкага.

Мужчыну, жыхара вёскі Краснае, судзілі ўжо раней за крадзеж і разбой.

Пра гэта паведаміў старшы следчы Маладзечанскага аддзела Следчага камітэта Юры Багушэвіч.

Вольга ЮРКЕВІЧ.

Фота cs5492.vk.me