ДАІ ў грамадзянскім схавана пракантралюе хуткасць

Дзяржаўтаінспекцыя Мінскай вобласці 23-29 красавіка будзе праводзіць акцыю “Хуткасць”.

У гэтыя дні будзе ўзмоцнены нагляд за дарожным рухам. Пры гэтым будуць выкарыстоўвацца сродкі схаванага кантролю з магчымасцю фотафіксацыі.

Будуць працаваць машыны ДАІ ў грамадзянскай афарбоўцы з усталяванымі прыборамі “Арэна” і “Візір”.

Нагадваем, што ад ліпеня 2012 года на дарогах Міншчыны ўсталявана каля 30 стацыянарных датчыкаў кантролю хуткасці. Парушальнікаў чакаюць самыя строгія меры пакарання.

Сяргей БАРТОШ, дзяржаўтаінспектар Маладзечанскага райаддзела міліцыі.

Фота auto.onliner.com.