Аварыя на трасе Мінск–Маладзечна. Выратавалі двух чалавек

Апоўначы 2 красавіка ў МНС паведамілі, што на 20-м кіламетры трасы Мінск–Маладзечна, у Заслаўі, адбылася аварыя.

Калі выратавальнікі прыехалі на месца здарэння, стала вядома, што кіроўца аўтамабіля “Мазда” не справіўся з кіраваннем. Машына з’ехала ў кювет і перакулілася.

Работнікі з дапамогай гідраўлічнага інструмента дасталі 21-гадовага кіроўцу і яго 35-гадовую пасажырку.

Іх шпіталізавалі.

Паводле сайта МНС Беларусі.

Фота 112.by