У вёсцы Забалацце забілі жанчыну

Здарэнне адбылося 1 сакавіка каля 23.30.

Па версіі следства, 40-гадовы жыхар дома ў вёсцы Забалацце Альковіцкага сельсавета на Вілейшчыне разам са сваімі знаёмымі выпіваў.

Праз некаторы час адзін з прыяцеляў ненадоўга пакінуў гаспадара дома ўдваіх з яго знаёмай. А калі вярнуўся – жанчына была ўжо мёртвай.

Стала вядома, што гаспадар і жанчына, пакуль пілі, пасварыліся. Мужчына пачаў яе біць абухом сякеры, рукамі ды нагамі.

Згодна з папярэднімі вынікамі судова-медыцынскай экспертызы, жанчына памерла з-за пасттраўматычнага шоку.

Цяпер падазраваны затрыманы.

Расследаванне крымінальнай справы працягваецца.

Пра падрабязнасці здарэння паведаміў афіцыйны прадстаўнік УСК па Мінскай вобласці Таццяна Беланог.

Настасся РОЎДА.

Фота severinform.ru