У Вілейцы пенсіянер ударыў нажом мужчыну

7 лютага ў 17.25 з кватэры шасцідзесяцігадовага пенсіянера, раней судзімага за прычыненне цяжкіх цялесных пашкоджанняў, з пранікальным нажавым раненнем брушной поласцi шпіталізаваны непрацуючы 51-гадовы мясцовы жыхар.

Устаноўлена, што каля 17 гадзін падчас распівання спіртных напояў і сваркі яго нажом ударыў гаспадар. Вілейскім райаддзелам следчага камітэта  ўзбуджана крымінальная справа па арт. 147 ч. 1 Крымінальнага Кодэксу Рэспублікі Беларусь.

Паводле зводкі УУС Мінаблвыканкама.

Фота з сайта http://www.vsluh.ru