На Каляды 52-гадовы жыхар Смаргоні збіў жонку

Тая не падказала яму, дзе ляжаць тапор з малатком.

Мужчына вырашыў на Каляды адрамантаваць дзверы. Ён доўга, але безвынікова шукаў свае інструменты: тапор ды малаток. Вырашыў спытаць у жонкі, дзе яны могуць быць. Жанчына дапамагчы яму не змагла. Яна з усмешкай параіла вырашыць такую праблему самастойна, але муж выйшаў з сябе і збіў жонку.

– Жанчына была на ложку, калі муж падышоў да яе і сапхнуў на дол, – расказвае начальнік Смаргонскага раённага аддзела следчага камітэта Андрэй Рэзін. – Потым некалькі разоў ударыў кулаком у тулава і пайшоў піць гарбату. Жонка ж накіравалася да суседкі, якая параіла вызваць хуткую дапамогу. У бальніцы дактары сказалі, што ў жанчыны разрыў селязёнкі. Аперацыю па яе выдаленні правялі паспяхова.

Цяпер узбуджаная крымінальная справа. Падазроны ўжо быў раней судзімы за пагрозу забойствам.

Паводле МУС Гродзенскага аблвыканкама.

Фота v-kvartiremont.ru