У Мядзеле спынілі дзейнасць вяндлярні

У райцэнтры супрацоўнікі ўпраўлення Дэпартамента фінансавых расследаванняў Дзяржкантролю спынілі дзейнасць міні-завода па вытворчасці вэнджанай рыбы.

Размяшчаўся ён на адным з падворкаў у Мядзеле. Вугра прывозілі з Браслава. Потым рыбу вэндзілі на падворку, дзе мелася ўсё неабходнае, і прадавалі.

Супрацоўнікі фінансавай міліцыі  канфіскавалі больш за трынаццаць кілаграмаў вэнджанага вугра, рынкавы кошт якога ацэнены ў 12 мільёнаў рублёў. Канфіскавана і абсталяванне.

Матэрыялы на гаспадара вяндлярні перададзеныя ў інспекцыю Міністэрства па падатках і зборах для складання пратакола за незаконную прадпрымальніцкую дзейнасць. Пагражае яму штраф  ад аднаго да пяці мільёнаў рублёў.

Аддзел інфармацыі.

Фота img.21food.com