Крадзяжы ў школе, бальніцы і каледжы

РАУС нагадвае жыхарам быць пільнымі і не пакідаць асабістыя рэчы на бачных месцах, а памяшканні – адчыненымі.
За апошнія дні ў Маладзечне адбыліся тры крадзяжы.

Скралі куртку ў навучэнца

Навучэнец політэхнічнага каледжа звярнуўся ў міліцыю шостага студзеня. Ён паведаміў, што ў інтэрнаце ў яго з вешалкі ў прыхожай скралі зімовую куртку.

Па падазрэнні ў крадзяжы затрыманы жыхар, які ўжо мае судзімасці. Куртку ў яго забралі і вярнулі ўладальніку.

Скралі кашалёк у бальніцы

У медсястры прыёмнага пакоя раённай бальніцы №1 шостага студзеня са службовага пакоя бальніцы скралі кашалёк з грашыма і банкаўскай карткай.

Затрыманы 34-гадовы мужчына. Па падазрэнні ў крадзяжы ён знаходзіцца ў ізалятары.

У школе скралі кашалькі

Работніца кухні сярэдняй школы №4 чацвертага студзеня паведаміла міліцыі, што і ў яе, і ў повара з сумак скралі кашалькі з грашыма.

Ёсць падазроны. Цяпер вядзецца следства.

Яўген БЕРКУТАЎ, начальнік штаба Маладзечанскага РАУС.

Фота google.by