“Масквіч” з'ехаў у кювет

Вечарам у пятніцу, 3 лістапада, на ў’ездзе ў Маладзечна з боку Насілава, каля чыгуначнага маста, здарылася аварыя.

50-гадовы кіроўца “Масквіча” пры сустрэчным раз’ездзе ўзяў правей да абочыны. Ён не справіўся з кіраваннем, выляцеў у кювет і апракінуўся.

Кіроўца пашкоджанняў не атрымаў.

За пятніцу і выхадныя на Маладзечаншчыне здарылася 9 аварый.

Супрацоўнікі дзяржаўтаінспекцыі выявілі пяцярых нецвярозых кіроўцаў і 11 – без права кіравання аўтатранспартам.

Сяргей БАРТОШ, інспектар дзяржаўтаінспекцыі.